Miðvikudagur 07.03.2007

Hæ.
Í dag er búið að vera svolítið ástand hjá mér, ég er búin að vera á stórum fundum og það hefur verið mikið at á allri verksmiðjunni. Miklar pælingar og mikið að skoða varðandi afkomutölur. Þessi vinna er svolítið skemmtileg en krefjandi.
Ég er líka búin að vera að fylgjast með blaðaskrifum og umræðu í blöðunum varðandi strandflutninga. Það er alveg furðulegt að Samgönguráðherra skuli ekki stýga fram og segja skoðun sína og skýra frá afstöðu sinni. Það er með ólíkindum að svona lagað fái að lýðast. Þessi málaflokkur og nauðsin hans að fá að þrífast á eðlilegan hátt er svo áríðandi fyrir þjóðfélagið í heildsinni að hálfa væri nóg. En það er engin sem er að standa í kallinum og heimta þessa umræðu upp á yfirborðið. Að það skuli líðast að skipafélögin skuli komast upp með að getað haldið heilu landshlutunum í herkví í krafti auðs sem er búið í sjálfu sér færa þeim upp í hendurnar af þjóðinni.
Ég er hissa á Framsóknarflokknum að taka ekki þetta mál og koma því upp á yfirborðið. Af hverju eru flutningabílarnir ekki látnir borga fullt verð til þjóðfélagsins eins og það kostar að halda við vegum og öðru í kringum þetta.